DGCA International Flights: అంతర్జాతీయ విమానాలు జులై 31 వరకు రద్దు

కరోనావైరస్ ( Coronavirus ) వ్యాప్తి  నేపథ్యంలో అంతర్జాతీయ విమాన సేవలు రద్దు కొనసాగుతోంది. తాజాగా జూలై 31 వరకు అంతర్జాతీయ విమాన సర్వీసులు రద్దు గడువును పొడిగిస్తున్నట్టు డైరెక్టరేట్ జనరల్ ఆఫ్ సివిల్ ఏవియేషన్ ( DGCA ) ప్రకటించింది. డీజిసీఏ ( Directorate General Of Civil Aviation ) ఇందులో కొన్ని మినహాయింపులు కూడా ప్రకటించింది. అంతర్జాతీయ సర్వీసులు ఎంపిక చేసుకున్న మార్గాల్లో మాత్రం కొనసాగుతాయి అని పౌర విమానయాన శాఖ ( Civil Aviation Ministry ) తెలిపింది. దీంతో పాటు కార్గో విమానాల ( Cargo Flights ) సేవల్లో ఎలాంటి అంతరాయం ఉండదు అని ప్రకటించింది. ప్రత్యేక సందర్భాల్లో డీజిసిఏ అనుమతి ఇచ్చిన విమానాలకు కూడా మినహాయింపు ఉన్నట్టు స్పష్టం చేసింది.

ప్రపంచంలోని ఇతర దేశాల్లో చిక్కుకున్న భారతీయులను తిరిగి భారత్‌కు రప్పించడానికి ప్రభుత్వం ప్రారంభించిన వందే భారత్ మిషన్ ( Vande Bharat Mission ) కొనసాగనుంది అని కూడా తెలియజేసింది. మే 6న ప్రారంభం అయిన వందే భారత్ మిషన్‌లో భాగంగా ఇప్పటి వరకు సుమారు 4 లక్షల 75 వేల మంది భారతీయులు దేశానికి తిరిగి వచ్చారు.